სუბსიდირებული იპოთეკური სესხის პროგრამით, სახელმწიფო საშუალებას აძლევს მსესხებელს, გაიუმჯობესოს საცხოვრებელი პირობები. პროგრამაში მონაწილეობის მიღება შეუძლია ფიზიკურ პირს იმ შემთხვევაში, თუ:

ოჯახს/მარტოხელა მშობელს/ქვრივს, თუ სესხის აღების მომენტში ჰყავს 1 ან 2 შვილი აქედან ერთ-ერთი არის 2021 წლის 1 სექტემბრის შემდეგ დაბადებული 1 წლამდე ასაკის ამ შემთხვევაში სააგენტოს მხრიდან სუბსიდირება განხორციელდება შემდეგი მოცულობით: საქართველოს ეროვნული ბანკის მიერ დადგენილ რეფინანსირების განაკვეთს გამოკლებული 3.5%-ის, მაგრამ არაუმეტეს 6%-ის ოდენობით ან 

ოჯახს/მარტოხელა მშობელს/ქვრივს, თუ სესხის აღების მომენტში ჰყავს 3 ან მეტი შვილი, ამ შემთხვევაში სააგენტოს მხრიდან სუბსიდირება განხორციელდება შემდეგი მოცულობით: საქართველოს ეროვნული ბანკის მიერ დადგენილ რეფინანსირების განაკვეთს გამოკლებული 1.5%-ის, მაგრამ არაუმეტეს 8%-ის ოდენობით.
ამასთან თუ ბენეფიციარს ყავს 3 ან მეტი არასრულწლოვანი და აქედან ერთ-ერთი არის 2021 წლის 1-ლი სექტემბრის შემდეგ დაბადებული 1 წლამდე ასაკის შვილი.

ასევე, თუ  უკვე ამ ტიპის მსესხებელი არის პროგრამის მოქმედი ბენეფიციარი და სარგებლობს პროგრამის მაქსიმალური ლიმიტით (200 000 ლარი), იგი 2022 წლის 1 სექტემბრის შემდეგ დამატებით შეძენილი 1 შვილით ვეღარ შეძლებს პროგამაში მეორეჯერ ჩართვას, მაგრამ თუ ბენეფიციარი არ სარგებლობს პროგრამის მაქსიმალური ოდენობით (200 000 ლარი) ასეთ შემთხვევაში 2022 წლის შემდეგ დამატებით შეძენილი 1 შვილით შეუძლია ისარგებლოს იმ დარჩენილი რაოდენობის ლიმიტით რაც არ აუთვისებია. მაგ. ბენეფიციარი სარგებლობდა 100 000 ლარიანი სესხით შეძლებს, რომ კიდევ დამატებით 100 000 ლარიანი სუბსიდირებული იპოთეკური სესხით ისარგებლოს.