თითოეული ადამიანი უნიკალურია, საკუთარი გამოცდილებით, სურვილებითა და პერსპექტივებით. განსაკუთრებით კი დღეს, ტექნოლოგიების საუკუნეში, როცა ინფორმაციის მიღების საშუალებები წარმოუდგენლად განვითარდა. 

რა უნდა გააკეთოს დღეს ბანკმა, რომელსაც გააზრებული აქვს მომხმარებლის მზარდი, ინდივიდუალური მოთხოვნები და ამავე დროს, ორიენტირებულია, შეინარჩუნოს მომსახურების უმაღლესი ხარისხი? სწორედ ამ კითხვებზე პასუხის ძიებით მივედით Unique ბანკინგის კონცეფციამდე. დღეს ჩვენი პრემიუმ მომსახურების მთავარი გამოწვევა, თანამედროვე ადამიანის სურვილებზე მაქსიმალურად მორგებაა, რაც პირველ რიგში იმის გაცნობიერებით იწყება, რომ თითოეული მომხმარებელი ინდივიდუალური და უნიკალურია.

Unique ბანკინგი არის ექსკლუზიური საბანკო მომსახურება, რაც პირადი ბანკირის დახმარებით, მომხმარებელთან მაქსიმალურ ურთიერთობას და ინდივიდუალურ მიდგომას გულისხმობს. სპეციალური საბანკო პირობები, შეთავაზებები, უპირატესობები, მაღალკვალიფიციური საბანკო კონსულტაციები - საბანკო კონცეფცია, რომელიც შექმნილია ყოველდღიურობის მაქსიმალურად გამარტივებისა და მეტი ფინანსური თავისუფლებისთვის.