საბანკო საქმის ექსპერტმა, ზაზა რობაქიძემ, რომელსაც სექტორში მოღვაწეობის 24 წელზე მეტი ხნის ისტორია აქვს, სამეთვალყურეო საბჭოს წევრის თანამდებობა 2018 წლის ბოლოს დაიკავა. იგი 2012 წლიდან მუშაობდა ბაზისბანკის აუდიტის კომიტეტის თავმჯდომარედ. კარიერა საქართველოს ეროვნულ ბანკში დაიწყო. მრავალი წლის განმავლობაში მას ცენტრალური ბანკის ზედამხედველობის სფეროში სხვადასხვა პოზიცია ეკავა, ეკონომისტიდან დაწყებული, ზედამხედველობის დეპარტამენტის ხელმძღვანელით დამთავრებული.

ზაზა რობაქიძე ფლობს ეკონომიკის მაგისტრის ხარისხს.